SANTA AGEDA

SANTA AGEDA

Aintzaldu daigun Agate Deuna
bihar da ba Deun Agate
etxe honetan zorion hutsa
betiko euko al dabe
Deun Agatena batzeko gatoz
Arantzabelako haurrak
iaz lez hartu gagizuz eta
zabaldu zure sakela

Zorion etxe hontako denoi
oles egitera gatoz
aterik ate ohitura zaharra
aurten berritzeko asmoz
ez gaude oso aberats diruz
ezta ere oinetakoz
baina eztarriz sano gabiltza
ta kanta nahi dugu gogoz

Aiton-amonak bihotz-bihotzez
maite zaituztegulako
zuenganaino hurbildu gara
ta pozik jarri beharko
Gure kantuzko ahalegintxo hau
har ezazue haintzako
zuen irripar goxo horrekin
nahikoa da guretzako