2009/10/08

URBASARA GOAZ


Datorren astean (urriaren 14tik 16ra) Urbasako kanpinera goaz hiru egun zoragarri pasatzera. Eguraldiak laguntzen badigu hainbat ekintza eta kirol praktikatu ahal izango dugu, gehienak naturaren inguruan: mendiko bizikleta, espeleologia, uraren zikloa aztertu ...
Gogoratu zer eraman eta zer EZ ERAMAN, honetaz hitz egin dugu-eta ikastolan.
Esaiezu gurasoei zure ondoan jartzeko eta ikus ezazue elkarrekin:

- Kanpinari buruzko informazioa

- Egonaldiaren inguruko informazioa

Ondoren, prestatu txukun-txukun motxila.

- Zer eraman: linterna, motxila txiki bat, kantinplora, medikuaren txartelaren kopia, lozakua ...
- Zer ez eraman: dirua, mp3ak, mugikorrak ...

2009/10/07

5.MAILAKOEN BLOG BERRIA

Blog berri bat dugu ikastolan, aurtengo 5.mailakoek sortu dutena. Dagoeneko jarri diduzte hainbat argazki eta informazio. Hemendik aurrera eskuineko zutabean klikatzea nahikoa izango duzue haien ekintzen eta irtenaldien berri izateko.

Tenemos un nuevo blog en la ikastola, el que acaban de crear los-as de 5º. Para empezar han colgado ya algunas fotos y noticias sobre diversas actividades y salidas que han realizado. Si queréis seguirles la pista no tenéis más que entrar en el enlace que hemos puesto en la columna derecha.

2009/10/06

GASTEIZKO ESKULTURAK


Gaztelaniako lehen gaiaren proiektua eskultura bat egitea eta guztiekin erakusketa bat antolatzea da. Gaian murgiltzeko eta motibatzeko Gasteizko eskulturen bilduma egitea bururatu zaigu. Argazkietan jaso ditugu eta hemen dituzue denok disfrutatzeko.
Bai argazkilari onak garela!

El proyecto del 1º tema de lengua castellana es hacer una escultura y con todas una exposición. Para motivarnos e inspirarnos hemos recogido en fotos un buen montón de esculturas de Vitoria-Gasteiz. Aquí las tenéis para disfrutarlas.
Como veis somos unos fotógrafos/as estupendos/as.

2009/10/05

NOLA SORTU ZIREN MENDIKATEAK?


Bideo honek hainbat zalantza argitzen lagunduko dizu eta, bide batez, irudi ikusgarrik eskainiko dizkizu.

TOLESDURAK ETA FAILAK


ANIMAZIOA eta GALDETEGIA

2009/09/15

URAREN SORRERA


Txanelako bigarren ANIMAZIOA eta GALDETEGIA, gure planetan ura nola sortu zen azaltzen diguna.

2009/09/14

UNIBERTSOAREN SORRERA

Txanela.net- eko aurtengo lehen animazioa da hau. Iaz ikusi eta ikasitakoa da, baina birpasatzeko egokia izango zaizu. Ikusi astiro astiro ANIMAZIOA eta erantzun gero GALDETEGIA.

2009/09/12

ZATIKIAK


Iaz jarri genuen tresna hau gure blogean, baina aurten ere beharrezkoa izango zaigu ariketa batzuk egitea zatikiekin trebatzeko. Klikatu goiko marrazkian eta itxaron apur bat, kargatu bitartean.

2009/09/10

ONGI ETORRI 6.MAILARA

Eskerrik asko oporretan blog honetan zuen argazki eta idatziekin parte hartu duzuen guztioi. Ekin gogor zuen azken urteari. Ikastolako ikasle nagusienak zarete eta txikien eredu ere bai. Gogoan izan.

2009/09/09

OIHANE MENDIOLAKO JAIETAN




Abuztuaren 14, 15 eta 16an nire herriko jaiak izan ziren.
Lehenengo egunean, arratsaldeko 8etan, Mendiolarra izeneko panpina jaitsi zen elizaren kanpandorretik, jaiei hasiera emanez , eta nire bi lagunek eta nik jendea trikitixa eta panderoz animatu genuen. Gurasoak txanpaina gora txanpaina behera zebiltzan bitartean, guk goxokiz bete genuen gure sabela, eta herriko gazteok txostan lanean zeuden jo ta ke.
Hurrengo egunetan lehiaketa asko egon ziren: igel-toka, bola txapelketa, tute, musa, patata tortila lehiaketa, eta beste batzuk.

Egun nagusia 15a izaten da. Denok baserritarrez janzten gara eta herriko nagusiei omenaldia egiten diegu meza nagusia eta gero, elizaren atarian. Eguerdian haur merkatua egiten dugu herriko txikiok eta gauean herri afaria ospatzen dugu.
Azken egunean, 16an, dantza plaza eta pintxo jana egin genituen jaiei bukaera emanez.
Ederki pasa ditut jai zoriontsu hauek eta irrikitan nago hurrengo urtekoak ailegatzeko. Guztiok gonbidaturik zaudete nire herriko jaietara.


Oihane Camón

2009/09/08

AKINATOR


Gaur gaztelaniako lehen saioa izan dugu eta oraindik libururik ez dugunez Akinatorrekin ibili gara jolasten eta, bide batez, arbel digitala erabiltzen.
Bitxia izan da! pentsatzen genuen pertsonaia beti asmatzen zuelako. Etxekoekin probatu nahi baduzu klikatu beheko loturan.


2009/09/07

JONE OLAIZOLA CADIZEN




Kaixo lagunok!!!
Zer moduz pasa dituzue oporrak? Nik primeran. Cadiz oso polita da eta toki asko ditu ikusteko. Ni toki askotan egon naiz, adibidez: Grazaleman, Frijilianan, El Bosquen...
Denak oso politak. Egun batean, Cadiz hirira joan ginen eta zuhaitz erraldoi pilo zeuden eta bati argazkia atera genion baina hain zen handia ez zela argazkian sartzen.
Beste egun batean, Sanlucar de Barramedara joan ginen eta zalguri batean ikusi genuen herri osoa.
Hurrengo egunean, El Bosquera joan ginen eta noria oso polit bat zegoen, baina turismo bulegoa hain zegoen izkutatua eta hainbeste denbora eman genuen bilatzen ez genuela herria ikusteko denborarik izan.
Beno lagunok, aprobetxatu ondo pasatzeko gelditzen zaizkigun opor egun gutxi hauek.

Muxu asko.
AIO
JONE OLAIZOLA