BEÑAT OLANOREN OPORRETAKO EGUN BAT

Ez duzue sinistuko kontatuko dizuedana, baina egia da: Lehengo astean, San Vicente-ra ibilalditxo bat egitera joan ginen. Bastidatik abiatu ginen arratsaldeko 19:00-etan. Gutxi-gora-behera, 5 kilometro joatean eta 5 kilometro itzuleran.
San Vicente-ra iritsi eta iturri batera joan ginen oso egarrituak geudelako, batzuk itzultzen hasi ginen eta beste batzuk horko tabernan gelditu ziren pote bat hartzen.
Errepide bat pasa, eta bueltan, "harri" berezi bat ikusi nuen, eta pentsatu nuen:
- Bah ! Zertarako nahi dut nik harri bat! - Hori pentsatu orduko, dordoka oskol bat zela konturatu nintzen !
Uretako dordoka bat zen, nire lehengusuak zioen "ez dakit zer " Europearra zela baina nik ez nion kasurik egin. Ni oso pozik nengoen baina ikusi ezkero nire ama... nazka eragin zion, oso. Nire gurasoek ez didate uzten dordokarik edukitzen, baina nire lehengusuak, Bastidan etxe bat dauka lorategiarekin. Lorategian, urtegi txiki-txiki bat dauka eta bere dordokekin utzi dut. Nire argazkirik ezin izan dizuet bidali, sentitzen dut,baina,internetetik ateratako dordoka argazki polit hau bidaltzen dizuet.
Agur eta ikusi arte !

BEÑAT OLANO

BATIRTZE HONDARRIBIAN

Kaixo, zer moduz oporrak?
Ni Hondarribin egon naiz Elene eta Leirerekin. Lagun asko egiteaz gainera oso ondo pasatu dut aste batean. Monitoreak oso majuak ziren eta gauetan lo egiteko gitarra jotzen zuten.
Lehenengo hiru gauetan logelako adiskideak ez zioten inori lo egiten uzten. Beste bi gauetan ondo lo egin genuen. Monitoreak behin baino gehiagotan etorri ziren esateko isiltzeko behingoz, baina ez zuten kasurik egiten. Nere lehen urtea da udalekuetara joaten naizela.
Egun batzuk pasa ondoren Gasteizko jaiak hasi ziren. Ni bakilletara, postuetara eta barraketara joan nintzen. Gasteizko jaietan oso ondo pasatu nuen.
Bi egun falta dira nire urtebetetzea izateko; irrikaz nago. Ia 11 urte ditut, ze ondo!!
Agur eta ondo amaitu oporrak.

BATIRTZE.

IDOIA COMA-RUGAN

Kaixo!
Ni oporretan Coma-Rugan egon naiz. Han "Parke aventurua" bat zegoen 4 tirolinekin etb...Oso ondo pasatu nuen egun horretan.
Coma-Rugan ere hondartza zegoen, egunero joaten ginen hondartzara bainu bat hartzera, batzuetan olatu handiak zeuden oso dibertigarriak, baina beste batzuetan, txiki txikiak eta oso gutxi zeuden, aspergarria zen. Gandian ere egon ginen, egun batean kaskabarra egin zuen eta ezin izan genuen hondartzara joan. Hotelean egon ginen goiz osoa asperturik.
Gero Gasteizera bueltatu ginen eta ni Udalekuetara Zuhatzara joan nintzen 10 egun. Oso ondo pasatu nuen.
Gero Gasteizko jaiak hasi ziren. Urtero oso dibertigarriak izaten dira, aurten bezala.
Orain etxeko lanak egin behar ditut.
Agur
ETA ONDO PASA OPORRAK!!

IDOIA

JON KORKOSTEGI DONOSTIAN

Epa lagunok !!!
Abuztuaren lautik seira Donostiara joan nintzen nire aitarekin. Autobus geltokira joaten, jende pila ikusi genuen Zeledonen jaitsierara zihoana txanpaina botilekin. Autopista berritik joan ginen. Bidaia oso azkar pasa zatzaidan nire aitarekin hitzegiten. Amara autobus geltokian nire izeba eta osaba bila etorri zitzaizkigun. "Coca cola" bat hartu, afaldu, eta hamaikak aldera nire aitarekin pasiu bat eman nuen "HAIZE ORRAZIEN" ingurura. Ilargia polit polita zegoen. Ordubiak arte egon ginen zerura eta itsasora begira eta hitzegiten pretilean etzanda.
Hurrengo egunean, nire izebaren lagun batzuekin, "Txanelako" txalupa bezelako batean Irlara joan ginen. Bertara iristean, nire aita eta ni txalupatik botata bainatu ginen, nire izeba hango hondartzatik sartu zen uretara, eta nire izebaren lagunak diren senar-emaztea handik gertuen dagoen plataformara joan ziren. Gero, porturako bueltan Patrik (senarrak) berarekin arraun egiten utzi zidan. Gero, nire lehengusuaren etxean bazkaldu eta lo egin nuen eta seian, gosaria amaitu gabe, izeba, osaba eta aitarekin ITVa pasa eta etxera itzuli ginen. PRIMERAN PASATU NUEN !!!
Ikusi arte...

JON KORKOSTEGI

IRUNE SENDAVIVAN

Ostiralean Sendavivara joan nintzen nire gurasoekin.
Sendaviva Nafarroan dagoen parke bat da, atrakzio eta animalia batzuekin. Oso ondo dago, egun osoa pasatu genuen han. Ikusi genuen nola ematen zieten zaintzaleek janaria hartzei eta otsoei, hartzei fruta eta barazkiak ematen zizkieten eta otsoei haragia. Oso leku polita da, gomendatzen dizuet.
Agur eta ondo pasa oporrak.

Irune

JON FLORES BARRIAN BERTSOTAN

Barriako bertso udalekutan egon naiz uztailaren batetik zazpira.
Gelako beste lau lagunekin egon naiz.
Goizean bederatzietan esnatzen gintuzten eta 9 t´erdietan gosaltzen genuen. Gosaldu eta gero, beti joaten ginen nonbaitera. Arratsaldean denbora libre asko izaten genuen eta gero askaltzen hasten ginen. Askaldu eta gero piszinara joaten ginen. Afalostean denbora libre pixka bat eta gero gaubela edukitzen genuen.
Asko gustatu zait lagun asko egin ditudalako eta monitoreak oso xelebreak zirelako. Oso ondo pasatu dut.

Jon Flores.

MAITANE UDALEKUETAN

Kaixo lagunak!
Egun hauetan Azterlariak taldearekin egon naiz Udalekuetan. Lo zakua eta esterillak eraman behar genituen kanpin dendatan lo egiteko. Ibaiaren urarekin dutxatzen ginen, dutxa txiki batzuetan, eta komuna, lurrean egin zuten zulo handi bat zen. Guk jarri behar genuen mahaia, kendu, harrikoa egin, egurra bildu... Bakoitza talde batekin zegoen, eta egunero aldatzen zen egin beharreko lana. Oso ondo pasa nuen. Batzuetan mendira joaten ginen, edo herriatara. Egun batean Maeztuko igerilekuetara joan ginen. 8 kilometro ziren eta asko oso nekaturik ailegatu ginen. Beste egun batean, nahi zuenak irteera luzera joaten zen, eta beste leku batean lo egiten zuen, kanpoan. Eta nahi zuenak irteera laburrera joaten zen, Markinezera joan, eta egun horretan kanpamendura itzuli.

OSO ONDO PASA NUEN, ETA BESTE URTE BATEAN SEGURASKI BUELTATUKO NAIZ!!!

OKUPAK MIKELEN HERRIAN

Kaixo, Mikel Chasco naiz, zer moduz oporrak? Nireak oso ondo. Hau nire herriko etxeko zuhaitz bat da eta ikusten duzuenez okupa bat dugu, jilgero izenekoa, hiru arraultz ditu eta txiki txikiak dira. Orain dela 25 egun etorri ziren. Metro batera daude etxetik. Guk ez diegu molestatzen baina bai balkoitik ikusi. Ikusi genuen nola egiten zuten habia, hiru egin zituzten gure lorategian eta bat aukeratu.
Beno, nik bukatu dut idazten. Ondo pasa oporrak.

Mikel Chasco

JON ETA UNAI WAKEBOARD EGITEN

Kaixo lagunak!

Jon eta Unai gara. Pantanoan egon gara wakeboard egiten. Wakeboard skate taula batean bezala egiten da, baina gurpilarik gabe. Bota pare bat itsatsita ditu. Hor oinak sartzen dituzu. Gero, uretara botatzen zara, soka bat hartzen duzu eta lantxa bati lotuta zoaz. Lantxa martxan jartzen da eta ziztu bizian ateratzen gara (50 km/h). Altxatzen zara eta patinatzen zoaz uretatik. Erortzen bazara min handia hartzen duzu. Horregatik, EZ ERORI!!!!

Gu, hasieran, oso traketsak ginen, baina azkenean lortu genuen. Taldeko batek (handiena, gainera) ez zuen lortu. Ez zen ezta altxatu ere egin, gaixoa!!!!

OPORRETAKO LANA

Aurten "Oporretako koadernoa" egiteaz gain, beste betebehar bat ere agindu dizuegu udan egiteko. Zuen berri izan nahi dugu eta, bide batez, opor garaian gure bloga bisitatzeko aitzakia bat izan. Badakizue zer egin behar duzuen: argazki bat eta testu txiki bat bidali gure helbidera. Horrela, jaso bezain pronto argitaratuko ditugu blog honetan eta denok izango dugu elkarren berri. Edozein izan daiteke gaia: oporrak, mendi buelta bat, lagun berriak, bidaiak, zuen herriko argazki bat, herriko laguntaldea, amonaren nobio berria ... Ez zaitezte alferrak izan, 2 hilabetetan egongo da zer kontatu, eta argazki batekin laguntzen baduzue askoz hobe. Helbide honetara bidali: joxeamenabar(arroba)gmail.com Ondo pasa oporrak!

AZKEN EGUNEKO JAIALDIA

Ikasturteko azken eguneko argazkiak ikusi nahi badituzu Ikastolako Blogean dituzu.

HOME

Gura planetaren egoera kezkagarriaren inguruan hausnarketa egiteko eta kontzientziak esnatzeko interesgarria iruditzen zaigu dokumental berri hau ikustea.
Hemen daukazuena trailerra besterik ez da. Pelikula osoa ikusteko Youtuben sartu eta on line ikusi, merezi du-eta.

TOLOÑON

SEKULAKO BERTSOLARIAK GURE ARTEAN

Joan den asteburuan Arabako Bertsolari Gazteen finala ospatu zen eta berri ezin hobeak heldu zaizkigu bertatik. Beñat Olanok jantzi zuen txapela bat-bateko lehiahetan eta gure geletako beste ikasle batzuk idatzizko finalera iristea ere lortu zuten. Sar zaitez Gasteizko bertsozaleen blogean eta ikusi argazkiak. Seguru aurpegi ezagun ugari ikusiko dituzula han-hemenka, batzuk gure ikastolako ikasleak direnak eta beste batzuk izan zirenak. Argi dago gure artean bertsolaritzarako zaletasuna gora egiten ari dela eta hona hemen ondorioak. Zorionak txapeldunari eta parte hartu duzuen guztioi.

El pasado fin de semana se ha celebrado la final del Campeonato Escolar de Araba de Bertsolaris y las noticias que nos llegan no pueden ser mejores. Beñat Olano se ha llevado la txapela en la modalidad de improvisación, pero no ha sido el único de los nuestros en triunfar, pues hemos tenido finalistas también en la modalidad escrita. Para más información entrad en la web de Gasteizko bertsolariak; seguro que conocéis muchas caras. Zorionak al txapeldun y a todos-as los que habéis tomado parte.

BIHAR TOLOÑORA GOAZ

Gogoratu bihar Toloñora goazela eguna pasatzera eta zure motxilan liburu eta koadernoen ordez bokatak eta kantinplora eraman behar dituzula. Ez ahaztu mendiko botak jartzea, euria egingo balu.
Autobusez Rivas-eko portura joango gara. Toloñoko gailurrera igo eta bazkaltzera Bastidako San Gines parkera jaitsiko gara. 16:30etan autobusa hartu eta etxera 17:15ean iritsiko gara.

Mañana nos vamos de excursión al Toloño. Hay que cambiar los libros y cuadernos de la mochila por los bocatas y la cantimplora. Que no falten tampoco unas buenas botas de monte, por si llegara a llover.
El autobús nos dejará en el puerto de Rivas y desde allí iniciaremos la ascensión al Toloño. Bajaremos a comer a las campas de San Ginés en Labastida y estaremos de regreso en la ikastola hacia las 17:15.